Meri socho me har pal kyo aa jati ho
Mere dil ko anjane me kyo tadpati ho
Is daman me bas kaanto ka gulshan he
Fir bhi banjar duniya me kyo fool sajati ho
Diwana bhi kahta he ye chand kaha se aaya
Taaro ke jhurmut me jab tum sharmati ho
Fir kon na chahe jite ji marna
Apani aankho me jab samandar bhar lati ho
In khuksh fijao me khangor ghata chaa jati he
Chehare pe mere jab bhi yu julfe lahrati ho
Is virane se ghar me bahar laut aati he
Jab dil ke darwaje par dastak dekar jaati ho
Ye dil to pagal he bas jhumata rahataa he
"Tum mere hamsafar ho " Jab tum kahkar jati ho
No comments:
Post a Comment